بعد الخداع ل اماني سيد
واتفضل ادخل شوف ابنك وانا هكلمها ابقى تظبط معاها مواعيد الرؤية وابلغهالك
ماهر ومكلمهاش انا ليه
سناء وتكلمها باماره ايه انت اللى ليك ابنك تشوفه وتتكل على الله
استحمل ماهر كلام حماته لانه عارف انها اكيد زعلانه على بنتها
ماهر طيب ممكن ادخل اشوفه عشان وحشنى اوى
مالك وحشتني اوى اوى يا بابا كده تغيب عنى كل ظه
مالك طيب احنا هنفضل هنا عند تيتا مش هنرجع تانى
ماهر اه يا حبيبي وانا بعد كده هاجى ازورك على طول وفضل قاعد يتكلم معاه وبعدين ساله على مامته
ماهر مالك هى ماما فين
مالك ماما فى الشغل تيتا قالت انها هتتاخر انهارده شويه فى الشغل
ماهر هى دينا نزلت تشتغل من امته
ماهر تمام يا حبيبي كمل انت مزاكره وانا هجيلك مره تانيه وسابه وقام ونادى على حماته
ماهر ايه اللى بنتك عملته ده نزلت تشتغل من غير ماتقولى
سناء وانت مالك تقولك بتاع ايه تشتغل ماتشتغلش انت مالكش فيه سامع
ماهر لأ مش سامع هى تقعد فى البيت وانا هصرف عليها انما شغل لا سمعانى بلغيها بكده ونزل ڠضبان وسناء ضړبت كف بكف مچنون ده ولا ايه
سيلا شكرا يا دكتوره على تعبك
دينا مافيش تعب ولا حاجه اهم حاجه انك تقومى تمشى وتجرى كمان فى اقرب وقت وواضح ان بإذن الله التحسن هيكون سرع
وهى فرحانه من عند دينا وبعدها خرجت دينا بسرعه عشان تلحق تروح ومتتاخرش اكتر من كده وطلبت عربيه اوبر شافتها سيلا وهى واقفه وماسكه التليفون وخمنت انها بتتصل بابلكبشن سيارات واصرت عليها انها توصلها
وفعلا ركبت دينا معاهم ووصلت عند البيت لقت جوزها واقف في الشارع مستنيها نزلت من العربية وتجاهلته وجت تطلع هو وقفها
استنى انتى مش شايفانى
دينا لأ مش شايفاك ومره تانيه اوعى توقفنى كده تانى
ماهر شدها من ايديها لا استنى سبتى البيت ليه مش قاتلك ده بيتك وسيبتى العربيه وسايبه الناس توصلك عايزه توصلى لايه باللى بتعمليه
دينا شدت ايديها منه وسابته ومشيت وهو رجع تانى وراها شدها من ايديها
اسمعى بقى الشغل ده تسيبيه وترجعى البيت وانا هتكفل بيكى انتى وابنى
هنا بيبرس اتدخل محتاجه حاجه يا دكتور
دينا لأ شكرا يا بيبرس بيه ده طليقى كان بيطمن على ابنه وماشى
ماهر ماشى يا دينا هسكت وهقدر انك بتعملى كده بسبب الغيره بس افتكرى لينا كلام بعدين
وسابها ومشى
دينا شكرا جدا ليك عن اذنك وسابته وطلعت وهو رجع العربية
سيلا شكل حكايتها حكايه
بيبرس فعلا بس مالناش دعوه لو هى طلبت المساعدة وقتها ندخل غير كده لأ
يتبع.......
البارت الثالث
عدى بقيت اليوم بدون احداث جديده
تانى يوم الصبح وصلت دينا للمستشفى وبدات شغلها وجات سيلا عشان تبدأ معاها الجلسة
دينا ازيك يا انسه سيلا عامله ايه
سيلا بخير الحمدلله انتى عامله ايه كنت فكراكى مش جايه انهارده
دينا ليه بس
سيلا عشان امبارح كان شكلك مرهق غير يعنى المشكلة اللى حصلت
دينا لا عادى بالعكس بقى الشغل هون عليا كتير اوى قاعده البيت بتخلينى افكر دايما في حاجات عايزه انساها
سيلا انا موجوده لو حبيتي تتكلمى واهو ادينا بنجرى
وقت الجلسة
دينا المشكلة انى لو اتكلمت هطلع اقرب ناس
ليا وحشين وخاينين
سيلا يعنى هما اذوكى ووجعوكى وخاېفه على شكلهم
دينا لان جوزى او اللى كان جوزى واختى هما الاتنين
سيلا ايه ده خانوكى مع بعض
دينا لا باختصار هو كان متجوزنى عشان يغيظ اختى عشان ترجعله اكتشفت بعد سبع سنين كنت عايشاهم معاها انى كنت كبرى شفتى
سيلا احكيلى وصدقينى سرك في بير
دينا حكتلها حكايتها بالتفصيل
سيلا وهو امبارح كان عامل المشكلة دى عشان سبتيله الشقه والعربية واشتغلتى
دينا اه وده اللى مخلينى مستغربه يعنى المفروض يفرح انى رجعتله حاجته على الاقل لو باعها هيستفاد بتمنها
سيلا على فكره طليقك ده انانى عايزك انتى واختك وهو خاېف تشتغلى وتعتمدى على نفسك وتنسيه عايزك تفضلى فكراه ومعتمده عليه عشان لو حب يرجعلك تانى تبقى موجوده ومستنياه وخاېف انك تقابلى حد فى شغلك ترتبطى بيه وتتجوزيه عايز كل حاجه
دينا تفتكرى
سيلا هتشوفى كلامى وبكره الايام تثبتلك
دينا اصلا انا شيلته من حساباتى خالص هو مش اكتر من ابو ابنى وبس
وانتى بقى ايه حكايتك والحدثه دى سببها ايه لو مش حابه تتكلمى خلاص
سيلا لا يا ستى هقولك اخويا بيبرس كان متجوز واحده بقالهم ٤ سنين كان جواز عن حب انا وماما كنا شايفنها مش مناسبة بس هو الوحيد اللى شايفها مناسبه حذرناه منها كذا مره بس كان دايما على لسانه كلمه واحده لما تعاشروها زى هتعرفوها
دينا وبعدين
سيلا اول سنه جواز كانت معيشه اخويا فى النعيم لدرجه اننا قلنا لنفسنا اننا كنا ظالمينها
تاتى سنه لما ضمنت وجودها في حياتنا بدأت تظهر شخصيتها البشعه غيره مش غيره على اخويا لا غيره لو اى حد فينا جاب حاجه جديده حقد مش عايزه حد فينا يحصله حاجه حلوه تالت سنه جواز اكتشفنا إن اخويا عنده مشكله في الخلفه ده بقى خلاها ساقت في قله ادبها وطمعها
دينا وده ايه علاقته بالحاډثه
سيلا الهانم حبت تخلص منى انا وماما عشان تبقى الوريثه الوحيده لخويا وقطعتلنا فرامل العربيه بتاعتى
كنت انا وماما رايحين مشوار لقيت الفرامل مش موجوده فتحت باب العربيه وزقيت ماما لانها كانت رافضه تنزل وتسبنى وقبل مالحق انط انا كمان العربيه اخدت مطب وانا فيها واتقلب وحصل اللى حصل وطبعا مع التحقيقات كل حاجه ظهرت الكاميرات اللى فى الجراج جبتها وهى مكنتش تعرف ان فى كاميرا صوت وصوره فى الجراج واخدت ١٠ سنين تستاهلهم بصراحه
دينا هو فى ناس كده
سيلا اه زى اختك وطليقك كده
ناس غير سوية
دينا طيب ومامتك عامله ايه
سيلا خرجت من الحاډثة بكدمات الحمد لله وخفت وانا عملت كذا عملية والحمد لله نجحت منتظره ارجع امشي تانى عشان اتجوز
دينا انتى مخطوبه ربنا يتمملك على خير
سيلا بصراحه يحيى خطيبى انسان محترم واحد غيره كان سابنى
لكن ده استنانى سنتين
دينا لا إحنا نسرع بقى فى العلاج عشان نلحق نجوزكم
سيلا ياريت اصلا وقت الحاډثة كنا بنجهز لفرحنا الحمد لله انا راضيه باى حاجه
خلصوا الجلسه وجه بيبرس اخو سيلا اخدها ومحاولش يحتك مع دينا نهائى او يضايقها بالكلام
عدى شهر على الأحداث وخلال الشهر ده كانت زيارات ماهر لابنه بشكل أسبوعي وكان بيتعمد يزوره وقت اجازه دينا كان بيحاول يشوفها او يتواصل معاها لكن هى مش مدياله فرصه وعلاقته بنها بتزيد يوم عن يوم لدرجة انها راحت عاشت فى شقة اختها على ما العده بتاعتها تخلص
واصبح هناك حديث خفيف بين دينا وبيبرس وتعمقت علاقه دينا وسيلا واصبحوا اصدقاء وكانت سيلا بتتحسن
بشكل ملحوظ
فى يوم اجازه دينا قررت نها وماهر ان نها تزور مامتها وتحاول تصالحها فى نفس الوقت ماهر هيكون معاها ويشوف ابنه بالمره
وصل ماهر ونها لبيت سناء والده دينا وخبطوا الباب
فتحت دينا واتفاجئت بنها
نها ازيك يا دينا عامله ايه وحشانى اوى
ماهر عامله ايه يا دينا ومالك عامل ايه
دينا اتفضلوا لحظه هنادى ماما
دخلت دينا ونادت مامتها
خرجت سناء ايه سر الزيارة الغير مرغوب فيها دى
نها ليه بس كده يا ماما هو انا مش بنتك ونفسك انى اكون سعيده ولا دينا بس اللى بنتك
سناء وهى دينا راحت خطفت جوزك منك ولو عملت كده كنت انا هسكتلها
نها وهى فين دينا ايه خاېفه تواجهنا وشحناكى انتى
هنا خرجت دينا
دينا خلاص يا ماما انا الحمد لله حياتى بقت زى الاول واحسن ومسمحاهم وانتى كمان يا ماما عشان خاطري سامحيهم
نها يا ماما إحنا الاتنين بناتك ولا ايه
سناء انا هدخل احضرلكم الغدا وسابتهم ودخلت
نها اقعدى يا دينا نتكلم شويه بقالنا كتير ماتكلمناش
دينا قاعدت هى ونها وماهر
نها معلش يا دينا الحب مش بادينا صدقنى ماهر حاول كتير يحبك بس معرفش وبصت لماهر مش كده يا ماهر
ماهر اه يا حبيبتي صدقيني يا دينا انتى زوجه اى حد يتمناها بس للاسف انا قلبى مع نها من البداية يمكن لو مكنتش حبيتها اكيد هكون حبيتك
دينا عادى يا استاذ يا ماهر القلوب بين اصابع الرحمن يقلبهما كيفما يشاء وربنا اكيد هيعوضنى خير انا مش زعلانه ابدا بالعكس انا فرحانه ليكوا اوى لانكم فعلا شبه بعض اوى ولايقين على بعض جدا انا نفسي مستغربه ازاى مكنتش عارفه ان طبعكوا زى بعض كده من زمان بس يلا الحمد لله
ماهر قصدك ايه يا دينا بيعوضك خير دى اكيد بمالك صح
دينا افهمها زى مانت عايز بس حافظ بينا على الالقاب انا دكتوره دينا
ماهر منا قلتلك شغلك ده سبيه وارجعى البيت وخلى العربية معاكى لزمتها ايه العند بتاعك ده عايزه ترسمى نفسك وتبينيلى انك عدتينى خلاص
نها بيتها ايه انت ناسي انى قاعده فيه على ماعدتى تخلص ولا عايزنى اقعد في الشارع وانا مش هقدر اقعد مع ماما عشان هتفضل تدينى كلام مالوش لازمه
دينا اظم مبقاش بيتى بقى بيتها خلاص والعربية كمان خديها مبروكه عليكى وبالنسبة انى عديتك فا انا فعلا خلاص عديتك من زمان وعشت حياتى وعن ازنكم بقى اساعد ماما فى الاكل
وسابتهم ودخلت لمامتها تساعدها في الغدا
على السفره كانت نها بتحاول تغيظ دينا بكل الوسائل
كانت بتاكل مهران وتدلع عليه وهو كان متجاوب معاها بس للأسف الكيد اتردلها لما لقت دينا فعلا مش فارقه معاها
نها الا صحيح يا دينا انتى بتفكرى ترتبطى تانى
هنا ماهر بصلها ايه الكلام ده
دينا
الفصل الرابع
نها إلا صحيح يا دينا انتى ناويه ترتبطى تانى
ماهر ايه الكلام ده
دينا والله يا نها حاليا لأ ماتنسيش انى ليه فى العده وحرام شرعا انى ارتبط لكن بعد كده محدش عارف النصيب فين
ماهر كلامك ده معناه ايه بقى انك ممكن تتحوزى تانى ولا ايه طيب وابنك
دينا ماهر ارتبط أو لا حاجه ماتخصكش بس لو حبيت ارتبط اعتقد مافيش حاجه هتمنعنى انا واحده حره
ماهر لا مش حره
نها ماهر انت مالك أصلا ترتبط ولا لأ انت ناسى انك طلقتها ولا ايه
دينا ياريت تفتكر دايما كلام نها
عدى فترة العده على نها واختها فى الفتره دى قربت دينا من سيلا جدا ومن اهل سيلا وخصوصا بيبرس حس اد ايه دينا انسانه وفيه وطيبه
وتشبهه في
حاجات كتير
بالنسبة لوالده سيلا برضو حبتها اوى واتمنتها لابنها وبقت تحرص انها تعزمها دايما
عندها وخصوصا في الاوقات اللى
