بعد الخداع ل اماني سيد

ابو ابنى فقط
سناء الحمد لله طمنتى قلبى 
دينا اطمنى يا حبيبتي
يتبع
البارت السادس كامل 
والسابع فى اللينك 
وصل ماهر القاهره هو نها ووصلوا الشقه دخل ماهر اخد شاور وغير هدومه ولبس ملابس خروج وحط من البرفان اللى كانت بتحبه دينا اللى كان غيروا لما رجع لنها بس رجع يحط منه مره تانيه وهو ماسك الازازه افتكر يوم مادينا جابتهوله 
Flash back
كان يوم عيد ميلاده وكانت دينا عملاله حافلة صغيرة ليهم هما الاتنين كانت مجهزاله الاكل اللى بيحبه وحطاله تورته ومزينه البيت بشموع معطره بعدد سنين عمره 
ماهر بانبها ايه ده كله
دينا كل ده عشانك كل الشمع اللى محطوط ده بعدد سنين عمرك طفى شمعه شمعه وانت بتتمنى أمنية
ماهر ومالك فين
دينا عند ماما 
مشى ماهر وكان بيطفى الشمع وكل شمعه كان بيتمنى فيها حاجه واحده بس ان نها ترجعله ولا مره بص للى معاه 
دينا خلاص اتمنيت
ماهر أه اتمنيت
دينا اتمنيت ايه بقى 
ماهر مش هقدر اقولك عشان تتحق 
دينا بحب ربنا يريح قلبك ويناولك اللى بتتمناه 
وطلعت ازازه البرفان اتفضل كل سنه وانت طيب يارب تعجبك
ماهر ريحتها حلوة اوى بس انتى عارفه انى بحب النوع اللى بستخدمه 
دينا النوع اللى بتستخدمه تقيل اوى وبيخنوقنى دى احلى على فكره
ماهر خلاص هحط منها ياستى شكرا على الهديه وعلى الحفلة اتعشوا مع بعض ودخلوا يناموا وكان هو بيفكر وقتها يا ترا نها لسه فاكره عيد ميلاده ياترى لو كانت مكان دينا كانت عاملتله مفاجأة حلوه كده 
Back 
فاق من سرحانه على دموع نازله على خده 
انا غبى غبى كنت بخونها في كل لحظة حلوه بينا لو كنت منعت نفسى من التفكير فى نها ورضيت بحياتى مع دينا كان زمانى عايش في الجنه 
خرج ماهر من الاوضه قابل نها فى وشه 
نها انت رايح فين 
ماهر ابنى وحشنى ورايح اشوفه 
نها وليه ماقولتليش عشان اجى معاك
ماهر عشان مستعجل وعايز اشوفه بقالى اسبوع ماشفتوش عن ازنك
بقى 
خرج ماهر وسط غيظ نها عشان يروح لابنه زى مابيتحجج 
وصل ماهر شقه سناء وخبط الباب 
فتحت سناء الباب اتفاجئ ماهر بوجود بيبرس ومامته واخته 
ماهر سلام عليكم
الجميع وعليكم السلام
ماهر جيت فى وقت غير مناسب ولا ايه بيتكلم وهو مستغرب بوجودهم ومن جواه قلبه مقبوض 
سناء ابنك يا ماهر حقك تشوفه اى وقت بس ياريت تبقى تدينى خبر قبلها لانك ممكن تيجى ومتلاقيش حد فى البيت 
بصت سناء للضيوف ده ماهر طليق بنتى دينا ووالد مالك وحاليا جوز بنتى نها وبصت لماهر بشماته 
اعرفك يا ماهر ده بيبرس خطيب بنتى دينا انهارده كانت قرايه فتحتهم ودى اخته سيلا وده خطيبها ودى والدتهم 
ماهر پصدمه خطيب مين دينا 
سناء بشماته اه يا حبيبي استنى حماتك بتحبك لسه كنا هنتعشى تعالى اتعشى معانا 
ماهر كان مصډوم ومش قادر ياخد اى رد فعل بيفكر يشدها من ايديها قدامهم ويقولهم دى ليا بتاعتى انا ملكى انا بس بانى حقك هو ضيع الخق ده بنفسه بسبب إنه كان بيجرى ورا وهم وسراب وفاق على اپشع كابوس ممكن يتخيله وقف وعينه كانت مغرغره بالدموع بس قفل وفتح عينه كذا مره عشان مايضعفش قدام حد 
ماهر طيب عن ازنكم هاجى وقت تانى عشان اقدر اقعد مع مالك براحتى وبص لسناء وبإذن الله هكلمك قبل ما اجى حاضر وسابهم ومشى 
سناء للحظه اشفقت عليه بس لما افتكرت كسرت قلب بنتها وازاى كان معيشها
في خدعه ٧ سنين نفضت من دمغها اى شفقه عليه وقالت فى سرها يستاهل 
بيبرس طلع من جيبه خاتم ودبله 
بيبرس انا جايب
هديه صغيره لدينا تسمحى يا حماتى البسهالها 
سناء طبعا يا حبيبي والف مبروك وفضلت تزغرط هى ووالده بيبرس وماهر كان نازل على السلم وسمع الزغاريط وفضل يعيط بالدموع واخد العربيه وطلع على الطريق الصحراوي وركن العربيه ونزل فضل يزعق بصوت عالى ويعيط بشحتفه 
اهويا قلبى اه ھموت ھموت انا غبى غبى انا اللى عملت كده انا اللى خرجت نفسى بنفسى من الجنه انا استاهل استاهل وفضل كده فتره وكلع نام في العربيه لحد الصبح وصحى على اشاعه الشمس بص فى التليفون لقاه فاصل شحن 
فاق من نومته وشغل العربيه وطلع على البيت لقى نها نايمه حمد ربنا انها نايمه عشان ماتشفش شكله اخد هدومه ودخل الحمام واخد شاور وحلق دقنه وقرر انه يروح مره تانيه لدينا يحاول يميل قلبها تانى 
عند سناء ودينا وقت الخطوبه كان بيبرس بيبص لدينا بحب ومشاعر بتدغدغ قلبى من جوه 
مؤمن بمناسبة اليوم الحلو ده انا حابب اخلى الفرحه فرحتين واعزمكم على فرحى انا وسيلا اخر الشهر يعنى كمان اسبوعين
بيبرس وياريت كمان لو نعمل كتب كتابى انا ودينا بعدها باسبوعين
دينا الف مبروك يا سيلا ربنا يتمملك بخير يا حبيبتي بص يا بيبرس صعب انا فى حاجات محتاجه لسه اجهزها 
بيبرس معاكى شهر اهو جهزى براحتك انا مش مستعجل 
سناء لأ واضح انك مش مستعجل فعلا 
انت كده بتكروتنا بص خليها كمان تلات شهور كده تكون دينا استعدت نفسيا وقدرت تجيب اللى هى عايزاه 
بيبرس طبعا يا طنط انتى عارفه دلوقتي إن سيلا هتتجوز والفيلا هتفضى هلى ماما وماينفعش اسيبها لوحدها .
دينا اكيد طبعا من غير ماتكمل انا موافقه اعيش معاها وبعدين حد يطول يقعد مع القمر ده 
بيبرس حس فعلا بفرق كبير بينه وبين طليقته وازاى عشان توافق انها تعيش مع والدته خلته يجبلها شقه فخمه ويكتبها باسمها بحجه ان لو حد من اهله زعلها يبقى ليها بيت خاص وهو كان معمى وبينفذلها اى طلب بدون نقاش اتمنى وقتها لنه ياريت لو كان عرف دينا من البداية كانت حاجات كتير فى حياته هتتغير 
وافقت دينا على إن الجواز يكون بعد تلات شهور تكون اخدت وقتها الكامل في التعافى وتكون فعلا مع بيبرس بفكرها ومشاعرها كامله بدون اى تفكير في الماضي او جراح 
تانى يوم الصبح دينا وصلت شغلها وبصت على التليفون لقت رساله من بيبرس قصص وروايات أمانى سيد 
اول مره ابقى عايز انام عشان اخلى الليل يعدى ويجيى النهار بسرعه عشان اعرف اكلمك واسمع صوتك زى فرحه الطفل ليله العيد وهو نايم حاضن لبس العيد منتظر الصبح يجيى بحبك يا احلى
خير دخل حياتى صباح الخير على وش الخير بصت دينا للرسالة وتلقائيا الابتسامه اترسمت على وشها دخلت مكتبها بعد فتره لقت بوكيه ورد احمر لون لبسها ومعاه شوكليت وكوبايه نسكافيه وكارت صباح الحاجه الحلوه للناس الحلوه 
عوض ربنا دايما بيجيى يطيب ويطبطب علينا واحيانا بنكون محتاجين القلم ده عشان نفوق وناخد خبره خلصت دينا شغلها وهى خارجه خالمستشفى قابلت ماهر قدامها تجاهلته ومشيت وهو راح وقف قدامها 
ماهر دينا ارجوكى اسمعينى اقفى خلينا نتكلم 
دينا لو سمحت ابعد عنى مايصحش كده 
ماهر ارجوكى با دينا انا ندمان ارجوكى وحياه مالك عندك اسمعينى اخر مره عايزك تسمعينى فيها ابوس ايدك ايدينى فرصه 
كان بيكلمها وهو بيعيط واطرت دينا توافق تكلمه
يتبع.
البارت
السابع والاخير
وصل ماهر ودينا وقاعدوا فى كافتريا ودينا بعتت رساله لماهر وعرفته
دينا اتفضل يا ماهر عايز ايه
ماهر دينا انا اسف اسف على اللى عملته معاكى وندمان وعرفت ان انا بحبك بحبك انتى بس 
دينا خلصت عن ازنك عشان قاعدتنا كده غلط
ماهر دينا ادينى فرصة اصلح اللى فات انا اكتشفت ان اختك كانت زى قطعه زجاج مكسوره فى وسط الرمل طول مانا بعيد عنها كنت شايفها بتبرق وبحاول امسكها ولما مسكتها لقيتها حته زجاج مالهاش لازمه
دينا للاسف يا ماهر كلامك ده متاخر جدا جدا كلامك ده وصل بعد ما قدرت اداوى نفسى بنفسى وانا بعيد عنك 
كلامك ده وصل بعد ما قدرت اقف على رجلى من اول وجديد كلامك جه بعد مالقيت شخص تانى وقدر باحترامه واسلوبه يدخل قلبى 
للاسف يا ماهر مافيش اى امل اننا نرجع لبعض 
انا سمعت كلامك عشان ماتفكرش انى لسه بكنلك مشاعر او حتى ممكن يكون فى امل انا جيت عشان انهى كل حاجه 
ماهر طيب ارجعى بيتك وماتتجوزيش حد بعدى يوم جوازك يا دينا هيبقى يوم موتى وانا حقوقك كلها هديهالك لكن لو اتجوزتى انا هاخد ابنى منك كان بيقولها بلهفه ورجاء يمكن لو مارتبطتش وهو طلق نها يبقى في امل فى يوم للرجوع 
دينا أولا ماتقدرش تاخدى منه لانه مع ماما وهو وماما هيكونوا معايا 
ثانيا انا عارف ليه يا ماهر سبتلك كل حاجه انا سبتلك الجمل بما حمل زى ما بيقولوا 
عارف ليه 
عشان كل حاجه بتفكرنى انى كنت مغفله وانى لعبه كل حاجه بتفكرنى انى كنت سبب انك تغيظ اختى عشان ترجعها مره تانيه بتعرفنى اد ايه كان دورى كبرى في حياتكم عشان تغيظوا بعض انا عرفت وفهمت ليه كنت كل مره تصر تعملى عيد ميلاد وتعذم اهلى وتجبلى هدايا غاليه مره عربيه ومرهوطقم دهب كل ده كنت عشان تغيظها وترجعك اهر رجعتلك واتجوزتها وحلت مكانى وانا فى اللى بقى مكانك عندى 
تفتكر دلوقتي بعد ده كله ممكن ارجع البيت تانى خصوصا بعد ما اختى قاعدت فيه وبقى فيه رحيتها وانا واثقه انها غيرت ملامحه عشان تشيل اى زكرى ليه فيه
فوق يا ماهر سامع ونصيحة عشان ماتخسرش كل حاجه اهتم بابنك وخد بالك منه عشان ده اللى باقيلك 
وسابته وقامت لقت بيبرس قدامها
بصتله دينا براحه وكان حمل من قلبها اتشال وخصوصا لما خرجت كل اللى كان فسها تقولهوله 
بيبرس ضايقك او هددك 
دينا لا كان عايزنا نرجع تانى او على الاقل ارجع اعيش فى البيت يا اما ياخد الولد 
بيبرس طبعا مايقدرش وانا مش هسيبك ولا هسمحله 
دينا بيبرس ده باباه وبعدين ماتقلقلش انا اتصرفت معاه وهو مش هيتعرضلى تانى ابدا 
بيبرس لو حصل حاجه تانى ابعتيلى وانا فى لحظه هكون عندك
عند نها كانت بتتصل بطليقها 
نها يا محمود انا عايزه اشوف عيالى دول ولادى ومن حقى اشوفهم وحشونى انت ايهو
محمود انتى اللى سبتيهم وشوفتى حياتك يبقى انسيهم 
نها مانت كمان اتجوزت من بنت خالتك وعشت حياتك 
محمود انا واحد حر اتجوزت بعد ماطلقنا والحمد لله انى عملت كده عشان احمد ربنا على النعمه اللى انا فيها بعد الع ذاب اللى كنت عايشه معاكى وولادك انسيهم 
نها طيب عشان خاطرى انا موافقه على اى حاجه تقولها
محمود عايزه تعيشى مع ولادك وتشوفيهم يبقى تطلقى من البيه اللى اتجوزتيه ده وتيجى تعيشى تربى والدك وهرجعك على زمتى بس مش هنبقى زى الاول عشان عمايلك وطمعك
ده انا مش هقبل بيه وقتها بس هخليكى تشوفى
عيالك وتربيهم ومعاكى اسبوع تفكرى فيه يا تيجى تقوليلى انا اتطلقت وعايزه ارجع اعيش مع ولادى يا اما تنسى ان ليكى ولاد من الأساس ده اخر
كلام عندى 
قفلت نها مع محمود وفضلت ټشتم فيه