قطر الحياة
ﺍﻃﻠﻊ ﺑﺮﺓ ﻋﺸﺎﻥ ﺍﻧﺎ ﻣﺶ ﻓﺎﺿﻴﻠﻚ
ﻣﺮﺍﺩ ﺑﺈﺑﺘﺴﺎﻣﺔ ﻣﺎﺷﻲ ﺳﻼﻡ
ﻳﺎﺳﻴﻦ ﺳﻼﻡ
ﻓﻲ ﺑﻴﺖ ﺍﻭﻝ ﻣﺮﺓ ﻧﺰﻭﺭﻩ
ﺳﺖ ﺑﻴﺖ ﻃﻴﺒﺔ ﻭﺍﻗﻔﺔ ﺑﺘﻄﺒﺦ
ﻛﺮﻳﻢ ﻣﺴﺎﺀ ﺍﻟﻔﻞ ﻳﺎ ﺳﺎﺕ ﺍﻟﻜﻞ
ﺍﻡ ﻛﺮﻳﻢ ﻣﺴﺎﺀ ﺍﻟﻨﻮﺭ ﻳﺎ ﺣﺒﻴﺒﻲ ﺣﻤﺪ ﻟﻠﻪ ﻋﻠﻲ ﺍﻟﺴﻼﻣﺔ
ﻛﺮﻳﻢ ﺍﻟﻠﻪ ﻳﺴﻠﻤﻚ ﻳﺎ ﻣﺎﻣﺎ ﺍﻣﺎﻝ ﻓﻴﻦ ﺳﻴﺎﺩﺓ ﺍﻟﻠﻮﺍ
ﺍﻡ ﻛﺮﻳﻢ ﻣﺎﻧﺖ ﻋﺎﺭﻑ ﺩﻟﻮﻗﺘﻲ ﺗﻼﻗﻴﻪ ﻣﻊ ﺻﺤﺎﺑﻪ ﻓﻲ ﺍﻟﻨﺎﺩﻱ ﻭﺯﻣﺎﻧﻪ ﻋﻠﻲ ﻭﺻﻮﻝ ﻋﻠﻲ ﻣﺎ ﺗﻐﻴﺮ ﻫﺪﻭﻣﻚ ﻭﺗﺎﺧﺪ ﺩﻭﺵ ﻫﻴﻜﻮﻥ ﺟﻪ ﻭﺍﻟﻐﺪﺍﺀ ﺧﻠﺺ
ﺩﺧﻞ ﺍﻭﺿﺘﻪ ﻭﺭﻣﻲ ﻧﻔﺴﻪ ﻋﻠﻲ ﺍﻟﺴﺮﻳﺮ ﻭﻏﻤﺾ ﻋﻴﻮﻧﻪ ﻭﺷﺎﻓﻬﺎ ﺯﻱ ﻣﺎ ﺑﻴﺸﻮﻓﻬﺎ ﻛﻞ ﻣﺎ ﻳﻐﻤﺾ ﻋﻨﻴﻪ ﺑﻘﺎﻟﻪ ﺗﻠﺖ ﺍﻳﺎﻡ
ﺍﻩ ﻳﺎ ﻗﻠﺒﻲ ﻭﻗﻌﺖ ﻭﻣﺤﺪﺵ ﺳﻤﻲ ﻋﻠﻴﻚ ﺍﻧﺎ ﻻﺯﻡ ﺍﻛﻠﻢ ﺑﺎﺑﺎ
ﻭﻣﺎﻣﺎ ﺍﻟﻨﻬﺎﺭﺩﺓ
ﻭﺍﻓﺎﺗﺤﻬﻢ ﻓﻲ ﺍﻟﻤﻮﺿﻮﻉ
ﺑﻌﺪ ﻧﺺ ﺳﺎﻋﺔ
ﻳﺪﺧﻞ
ﺭﺟﻞ ﺳﺘﻴﻨﻲ ﻳﻤﻠﺊ ﻗﻠﺒﻪ ﺍﻟﺸﺒﺎﺏ ﻣﺤﺴﻦ ﻣﺴﺎﺀ ﺍﻟﺨﻴﺮ
ﺯﻳﻨﺐ ﺍﻡ ﻛﺮﻳﻢ ﻣﺴﺎﺀ ﺍﻟﻨﻮﺭ ﻏﻴﺮ ﻋﻠﻲ ﻣﺎ ﺍﺟﻬﺰ ﺍﻟﻐﺪﺍﺀ
ﻣﺤﺴﻦ ﺑﺈﺑﺘﺴﺎﻣﺔ ﺍﻫﻼ ﻳﺎ ﺣﺒﻴﺒﻲ ﺣﻤﺪ ﻟﻠﻪ ﻋﻠﻲ ﺍﻟﺴﻼﻣﺔ
ﻛﺮﻳﻢ ﺍﻟﻠﻪ ﻳﺴﻠﻤﻚ ﻳﺎ ﺑﺎﺑﺎ ﻓﻴﻦ ﻳﺎ ﻣﺎﻣﺎ ﺍﻻﻛﻞ ﺍﻧﺎ ﺟﻌﺎﻥ
ﺯﻳﻨﺐ ﺣﺎﻻ ﻳﺎ ﺣﺒﻴﺒﻲ
ﻋﻠﻲ ﺍﻟﻐﺪﺍﺀ
ﻛﺮﻳﻢ ﻋﻨﺪﻱ ﻟﻴﻜﻢ ﺧﺒﺮ ﺑﻤﻠﻴﻮﻥ ﺟﻨﻴﻪ
ﺯﻳﻨﺐ ﺧﻴﺮ
ﻛﺮﻳﻢ ﺍﻧﺎ ﻗﺮﺭﺕ ﺍﺗﺠﻮﺯ
ﺯﻳﻨﺐ ﻟﻮﻟﻮﻭﻭﻭﻭﻭﻭﻭﻭﻭﻭﻱ
ﻣﺤﺴﻦ ﻫﻬﻬﻬﻬﻬﻬﻬﻬﻬﻬﻬﻬﻬﻪﻩ ﺍﻣﺎﻝ ﻟﻤﺎ ﻳﺘﺠﻮﺯ ﻓﻌﻼ ﻫﺘﻌﻤﻠﻲ ﺍﻳﻪ
ﺯﻳﻨﺐ ﻫﻬﻬﻬﻬﻬﻬﻪ ﻳﻮﻩ ﺳﻴﺒﻨﻲ ﺍﻓﺮﺡ ﻳﺎﺑﻮ ﻛﺮﻳﻢ
ﺯﻳﻨﺐ ﻭﺩﻱ ﻣﻴﻦ ﺩﻱ ﺍﻝ ﻣﺘﻮﺍﻓﻘﺶ ﻋﻠﻴﻚ ﻫﻲ ﺗﻄﻮﻝ
ﻣﺤﺴﻦ ﻫﻬﻬﻬﻬﻬﻬﻬﻪ ﺷﻐﻞ ﺍﻟﺤﻤﻮﺍﺕ ﺑﺪﺃ
ﺯﻳﻨﺐ ﺍﻟﻤﻬﻢ ﺑﻘﻲ ﻳﺎ ﺣﺒﻴﺒﻲ ﻣﻴﻦ ﺩﻱ ﻭﺑﻨﺖ ﻣﻴﻦ ﻭﺍﺳﻤﻬﺎ ﺍﻳﻪ
ﻛﺮﻳﻢ ﻫﻲ ﺍﺧﺖ ﻭﺍﺣﺪ ﺻﺎﺣﺒﻲ ﻭﺍﺳﻤﻬﺎ ﻣﺮﺍﻡ ﻭﺩﻩ ﻛﻞ ﺍﻟﻠﻲ ﺍﻋﺮﻓﻪ
ﺯﻳﻨﺐ ﺧﻼﺹ ﻳﺎ ﺣﺒﻴﺒﻲ ﺧﺪ ﻟﻨﺎ ﻣﻴﻌﺎﺩ ﻧﺰﻭﺭﻫﻢ
ﻛﺮﻳﻢ ﺍﻧﺎ ﺍﺳﺘﺤﺴﻦ ﺍﻧﻲ ﺍﻛﻠﻢ ﻣﺮﺍﺩ ﺍﻻﻭﻝ ﻭﺑﻌﺪﻳﻦ ﻳﺒﻘﻲ ﺍﻟﻤﻮﺿﻮﻉ ﺭﺳﻤﻲ
ﺯﻳﻨﺐ ﺭﺑﻨﺎ ﻳﻔﺮﺣﻨﻲ ﺑﻴﻚ ﻳﺎﺭﺏ ﻓﻲ ﺍﻟﻘﺮﻳﺐ ﺍﻟﻌﺎﺟﻞ
ﻛﺮﻳﻢ ﺭﺍﻓﻊ ﺍﻳﺪﻩ ﺍﻣﻴﻴﻴﻴﻴﻴﻦ
ﻓﻲ ﻛﺎﻓﻴﻪ
ﻣﺮﺍﻡ ﻗﻮﻟﻴﻠﻲ ﺑﻘﻲ ﺍﻧﺎ ﺍﻋﻤﻞ ﺍﻳﻪ ﻓﻲ ﺍﻟﻮﺭﻃﺔ ﺍﻟﻠﻲ ﺍﻧﺎ ﻓﻴﻬﺎ ﺩﻱ
ﺩﺍﻟﻴﺎ ﺑﺼﺮﺍﺣﺔ ﻣﻮﻗﻒ ﻣﺎﻣﺘﻚ ﻋﺠﻴﺐ ﺟﺪﺍ ﺍﺯﺍﻱ ﻳﺎﺳﻴﻦ ﻳﻌﻨﻲ ﺍﻟﻠﻲ ﻣﻘﺘﻨﻌﺔ ﺑﻴﻪ ﻭﺧﺎﺻﺔ ﺍﻧﻪ ﻛﺒﻴﺮ ﻭﻫﻲ ﻃﻮﻝ ﻋﻤﺮﻫﺎ ﻣﺒﺘﻌﺎﺭﺿﺶ ﺭﻓﻀﻚ ﻻﻱ
ﻋﺮﻳﺲ
ﻣﺮﺍﻡ ﻣﺎ ﺩﻩ ﺍﻟﻠﻲ ﻫﻴﺠﻨﻨﻲ ﻳﺎ ﺩﺍﻟﻴﺎ ﺍﺷﻤﻌﻨﻲ ﻳﺎﺳﻴﻦ
ﻣﺮﺍﺩ ﻳﺘﻔﺎﻫﻢ ﻣﻌﺎﻫﺎ ﻫﻮ
ﻣﺮﺍﻡ ﻫﻮ ﻗﺎﻟﻲ ﻓﻌﻼ ﻛﺪﻩ ﻭﺷﻜﻠﻪ ﻛﻠﻤﻬﺎ ﻭﻣﺼﺮﺓ ﻋﻠﻲ ﺭﺍﻳﻴﻬﺎ ﻻﻧﻪ ﺑﻴﺘﻬﺮﺏ ﻣﻨﻲ ﻭﻣﺒﻴﻴﺪﻧﻴﺶ ﻓﺮﺻﺔ ﺍﺗﻜﻠﻢ ﻣﻌﺎﻩ
ﺩﺍﻟﻴﺎ ﺑﺘﻔﻜﻴﺮ ﻃﻴﺐ ﺍﻳﻪ ﺭﺍﻳﻚ ﻟﻮ ﻛﻠﻤﺘﻲ ﻳﺎﺳﻴﻦ ﻭﺣﻠﻴﺘﻮﻫﺎ ﺑﻴﻦ ﺑﻌﺾ
ﻣﺮﺍﻡ ﺑﺼﺪﻣﺔ ﻣﺴﺘﺤﻴﻞ ﺍﻧﺘﻲ ﺍﻛﻴﺪ ﺍﺗﺠﻨﻨﺘﻲ ﺍﻧﺎ ﻣﺴﺘﺤﻴﻞ ﺍﻛﻠﻤﻪ ﻓﻲ ﺣﺎﺟﺔ ﺯﻱ ﺩﻱ ﻭﺑﻌﺪﻳﻦ ﺍﻧﺎ ﻣﺴﺘﺤﻴﻞ ﺍﻛﻠﻤﻪ ﺍﺻﻼ
ﺩﺍﻟﻴﺎ ﻟﻴﻪ ﻳﻌﻨﻲ ﻳﺎ ﺑﻨﺘﻲ ﺩﻩ ﺍﺑﻦ ﻋﻤﻚ ﻳﻌﻨﻲ
ﺩﺍﻟﻴﺎ ﺧﻼﺹ ﺧﻠﻴﻜﻲ ﺑﻘﻲ ﻛﺪﻩ ﻟﻐﺎﻳﺔ ﻣﺎ ﺗﻼﻗﻲ ﻧﻔﺴﻚ ﻓﻲ ﺍﻟﻜﻮﺷﺔ ﺟﻨﺒﻪ
ﻣﺮﺍﻡ ﺑﺮﻋﺐ ﻭﺧﻀﺔ ﻻﻻ ﻻﻻﻻ ﺍﻥ ﺷﺎﺀ ﺍﻟﻠﻪ ﻻ ﻳﺎ ﺣﻤﺎﺭﺓ ﻣﺶ ﺗﺨﻮﻓﻴﻨﻲ
ﺩﺍﻟﻴﺎ ﺑﻀﺤﻚ ﻫﻬﻬﻬﻬﻬﻬﻬﻬﻬﻬﻬﻪ ﺍﻟﻠﻲ ﻳﺸﻮﻓﻚ ﻳﻘﻮﻝ ﺍﻧﺘﻲ ﻫﺘﺘﺠﻮﺯﻱ ﻫﻮﻻﻛﻮ ﺩﻩ ﺣﺘﻲ ﻣﺰ ﻛﺪﻩ ﻭﺟﻨﺘﻞ
ﻣﺮﺍﻡ ﺍﻫﻮ ﻣﻴﻔﺮﻗﺶ ﻋﻦ ﻫﻮﻻﻛﻮ ﺑﺎﻟﻨﺴﺒﺔ ﻟﻴﺎ
ﺩﺍﻟﻴﺎ ﺑﺈﺳﺘﻐﺮﺍﺏ ﺍﻧﺘﻲ ﻣﺶ ﻣﻼﺣﻈﺔ ﺍﻧﻚ ﻣﻜﺒﺮﺓ ﺍﻟﻤﻮﺿﻮﻉ ﺷﻮﻳﺔ ﻭﻣﻜﺒﺮﺓ ﻣﻦ ﺣﻜﺎﻳﺔ ﺍﻧﻚ ﺑﺘﺎﺧﻔﻲ ﻣﻨﻪ
ﻣﺮﺍﻡ ﻻ ﻭﺍﻟﻠﻪ ﺍﺑﺪﺍ ﻣﺶ ﻣﻜﺒﺮﺓ ﺍﻟﺤﻜﺎﻳﺔ ﺍﻧﺎ ﻓﻌﻼ ﺑﺨﺎﻑ ﻣﻨﻪ ﺍﻭﻱ
ﺩﺍﻟﻴﺎ ﺭﺑﻨﺎ ﻳﻘﺪﻣﻠﻚ ﺍﻟﺨﻴﺮ ﻳﺎﺭﺏ
ﻣﺮﺍﻡ ﻳﺎﺭﺏ
ﺩﺍﻟﻴﺎ ﻣﺶ ﻳﻼ ﺑﻘﻲ ﺍﺣﻨﺎ ﺗﺎﺧﺮﻧﺎ ﺍﻭﻱ
ﻣﺮﺍﻡ ﺍﻭﻙ ﻳﻼ
ﺑﻌﺪ ﺳﺎﻋﺔ ﻓﻲ ﺑﻴﺖ ﻋﺎﺋﺸﺔ
ﻋﺎﺋﺸﺔ ﻓﻜﺮﺗﻲ ﻭﺍﺧﺪﺗﻲ ﻗﺮﺍﺭ ﻭﻻ ﻟﺴﻪ
ﻣﺮﺍﻡ ﻓﻲ ﺍﻳﻪ
ﻋﺎﺋﺸﺔ ﺍﻧﺘﻲ ﻫﺘﺴﺘﻬﺒﻠﻲ ﻳﺎ ﻣﺮﺍﻡ ﻓﻲ ﻣﻮﺿﻮﻉ ﻳﺎﺳﻴﻦ
ﻣﺮﺍﻡ ﺑﻬﺪﺅ ﻣﺎ ﺍﻧﺎ ﺭﺩﻳﺖ ﻋﻠﻲ ﺣﻀﺮﺗﻚ ﻳﺎ ﻣﺎﻣﺎ ﻭﻗﻠﺖ ﻻ ﻃﺒﻌﺎ
ﻋﺎﺋﺸﺔ ﻭﺍﻧﺎ ﺑﺮﺩﻩ ﻗﻠﺘﻠﻚ ﻓﻜﺮﻱ ﻻﻧﻲ ﻣﺶ ﻣﻘﺘﻨﻌﺔ ﺑﺎﺳﺒﺎﺏ ﺭﻓﻀﻚ ﻭﻣﺶ ﻫﺘﻘﺒﻞ ﺭﻓﻀﻚ
ﻣﺮﺍﻡ ﻳﻌﻨﻲ ﺍﻳﻪ ﻣﺶ ﻫﺘﺘﻘﺒﻠﻲ ﺭﻓﻀﻲ ﻳﺎ ﻣﺎﻣﺎ
ﻋﺎﺋﺸﺔ ﻳﻌﻨﻲ ﺍﻟﻠﻲ ﻓﻬﻤﺘﻴﻪ ﻓﻜﺮﻱ ﻛﻮﻳﺲ ﻋﺸﺎﻥ ﻣﻐﺼﺒﻜﻴﺶ ﻋﻠﻲ ﺣﺎﺟﺔ
ﻣﺮﺍﻡ ﺑﺼﺪﻣﺔ ﺍﻓﻨﺪﻡ ﺗﻐﺼﺒﻴﻨﻲ ﺍﺯﺍﻱ ﻳﻌﻨﻲ ﺣﻀﺮﺗﻚ ﻫﻮ ﺍﻧﺎ ﻋﻴﻠﺔ ﺻﻐﻴﺮﺓ
ﻋﺎﺋﺸﺔ ﻧﺎﻫﻴﺔ ﺍﻟﺤﺪﻳﺚ ﺑﺼﺮﺍﻣﺔ ﺍﻩ ﻟﻤﺎ ﺗﺒﻘﻲ ﻣﺶ ﻋﺎﺭﻓﺔ ﻣﺼﻠﺤﺘﻚ ﻓﻴﻦ ﺗﺒﻘﻲ ﻋﻴﻠﺔ ﺻﻐﻴﺮﺓ
ﻭﻣﺤﺘﺎﺟﺔ ﺗﻮﺟﻴﻪ ﻭﺳﺎﺑﺘﻬﺎ ﻭﻣﺸﻴﺖ
ﻣﺮﺍﻡ ﻓﻲ ﻧﻔﺴﻬﺎ ﻻ ﻻ ﺍﻛﻴﺪ ﺑﺘﻬﺰﺭ ﻣﺴﺘﺤﻴﻞ ﺗﻌﻤﻞ ﻛﺪﻩ ﻓﻲ ﺣﺎﺟﺔ ﻏﻠﻂ ﻛﻼﻣﻬﺎ ﻣﺶ ﻣﻘﻨﻊ ﺍﺑﺪﺍ
ﻓﻲ ﺑﻴﺖ ﻣﺮﻳﻢ
ﻣﺮﻳﻢ ﺑﺼﺮﺍﺣﺔ ﻳﺎ ﻳﻮﺳﻒ ﻣﺶ ﻋﺎﺭﻓﺔ ﻟﻴﻪ ﻣﺮﺍﻡ ﻣﺶ ﺭﺍﺿﻴﺔ ﻭﺍﻟﻤﺸﻜﻠﺔ ﺍﻧﻬﺎ ﻟﺴﻪ ﺑﺘﺨﺎﻑ ﻣﻨﻪ ﺯﻱ ﺍﻻﻭﻝ ﻭﻳﻤﻜﻦ ﺍﻛﺘﺮ ﻛﻤﺎﻥ
ﻳﻮﺳﻒ ﺍﻳﻮﺍ ﺑﺲ ﺩﻱ ﻫﺘﺒﻘﻲ ﻣﺮﺍﺗﻪ ﻭﻫﻲ ﻛﺒﻴﺮﺓ ﻭﻋﺎﺭﻓﺔ ﻳﻌﻨﻲ ﺍﻧﻪ ﻣﺶ ﻫﻴﻌﺎﻣﻠﻬﺎ ﺯﻱ ﻣﺎ ﺑﻴﻌﺎﻣﻞ ﺍﻱ ﺣﺪ ﻭﻻ ﻫﻴﺒﻘﻲ ﻣﻌﺎﻫﺎ ﺯﻱ ﺯﻣﺎﻥ
ﻣﺮﻳﻢ ﺑﺈﺑﺘﺴﺎﻣﺔ
ﻭﺍﻟﻠﻪ ﻳﺎ ﺣﺒﻴﺒﻲ ﺍﻧﺎ ﻧﻔﺴﻲ ﻭﺍﻧﺎ ﺍﻫﻮ ﻛﺒﻴﺮﺓ ﻭﻣﺮﺍﺕ ﺍﺧﻮﻩ ﺑﺨﺎﻑ ﻣﻨﻪ ﻟﻮ ﺷﻔﺘﻪ ﻣﺘﻌﺼﺐ ﻭﻻ ﺣﺪ ﺩﺍﻳﻘﻪ ﻓﺮﻕ ﻛﺒﻴﺮ ﺑﻴﻨﻜﻢ
ﻳﻮﺳﻒ ﺑﺈﺑﺘﺴﺎﻣﺔ ﻭﻳﻌﺪﻝ ﻫﺪﻭﻣﻪ ﻃﺒﻌﺎ ﻳﺎ ﺑﻨﺘﻲ ﺍﻣﺎﻝ ﺍﻧﺘﻲ ﻣﻔﻜﺮﺓ ﺍﻳﻪ
ﻣﺮﻳﻢ ﻭﺑﺘﻘﺮﺹ ﺧﺪﻭﺩﻩ ﻣﺶ ﻣﻮﺩﻳﻚ ﻓﻲ ﺩﺍﻫﻴﺔ ﻏﻴﺮ ﻏﺮﻭﺭﻙ ﺩﻩ
ﻳﻮﺳﻒ ﻭﺑﻴﺨﺒﻂ ﺍﻳﺪﻳﻬﺎ ﻫﻮ ﺍﻧﺘﻲ ﺷﻴﻔﺎﻧﻲ ﻣﻠﻚ ﻗﺪﺍﻣﻚ ﻭﺑﻌﺪﻳﻦ ﺍﻧﺎ ﻣﻐﺮﻭﺭ ﺣﺮﺍﻡ ﻋﻠﻴﻜﻲ
ﻣﺮﻳﻢ ﻻ ﺧﺎﻟﺺ
ﻳﻮﺳﻒ ﺍﻟﻤﻬﻢ ﻛﻠﻤﻲ ﻣﺮﺍﻡ ﻭﺣﺎﻭﻟﻲ ﺗﻌﻘﻠﻴﻬﺎ ﻻﻥ ﺟﻮﺍﺯﻫﻢ ﻛﺪﻩ ﻛﺪﻩ ﻫﻴﺤﺼﻞ
ﻣﺮﻳﻢ ﻣﺎ ﺍﻟﻤﺸﻜﻠﺔ ﺍﻧﻬﺎ ﻣﺶ ﻋﺎﺭﻓﺔ ﻛﺪﻩ ﻫﻲ ﻓﺎﻛﺮﺓ ﺍﻧﻪ ﻣﻮﺿﻮﻉ ﺯﻱ ﻛﻞ ﻣﺮﺓ ﻭﻫﺘﺮﻓﺾ ﻭﻣﺶ ﻣﻘﺘﻨﻌﺔ ﺍﻥ ﻣﺎﻣﺎ ﻟﻴﻪ ﻣﺶ ﺭﺍﺿﻴﺔ ﺑﺮﻓﻀﻬﺎ ﻭﻣﺴﺘﻐﺮﺑﺔ ﺩﻩ ﺟﺪﺍ
ﻳﻮﺳﻒ ﻳﻌﻨﻲ ﻫﻲ ﻣﺘﻌﺮﻓﺶ ﻣﻮﺿﻮﻉ ﺍﻟﻮﺻﻴﺔ
ﻣﺮﻳﻢ ﻻ ﻃﺒﻌﺎ ﻻ ﻫﻲ ﻭﻻ ﻣﺮﺍﺩ ﻭﺍﻭﻋﻲ ﺗﻐﻠﻂ ﻗﺪﺍﻣﻬﻢ
ﻳﻮﺳﻒ ﻃﻴﺐ ﻛﻮﻳﺲ ﺍﻧﻚ ﻧﺒﻬﺘﻴﻨﻲ
ﻓﻲ ﻣﺮﻛﺰ ﺍﻟﺸﺮﻃﺔ
ﻛﺮﻳﻢ ﻭﻣﺮﺍﺩ ﺑﻴﺘﻘﺎﺑﻠﻮﺍ ﻓﻲ ﺍﻟﻄﺮﻗﺔ
ﻛﺮﻳﻢ ﺍﻳﻪ ﺭﺍﻳﺢ ﻓﻴﻦ ﻛﺪﻩ
ﻣﺮﺍﺩ ﻣﺮﻭﺡ ﻓﻲ ﺣﺎﺟﺔ ﻭﻻ ﺍﻳﻪ
ﻛﺮﻳﻢ ﻻ ﻋﺎﺩﻱ ﻛﻨﺖ ﻋﺎﻭﺯ ﺍﺗﻜﻠﻢ ﻣﻌﺎﻙ ﺷﻮﻳﺔ ﺑﺲ ﺑﻜﺮﺓ ﻣﻔﻴﺶ ﻣﺸﻜﻠﺔ
ﻣﺮﺍﺩ ﻻ ﻳﺎ
