قبضه الاقدار بقلم نورهان العشري قبضه الاقدار بقلم نورهان العشري

حازم بيعملوها ازاي يا عدي . حاضر! خدت مؤمن و رحت و عملت نفسي معرفش حاجه خالص. عايزة اشوه صورتها قدام أهل حازم يا عدي . حاضر! روحت لسليم و قولتله ان هي السبب في إدمان حازم و أنها حقېرة و شمال و ضيعت مستقبل اخوه. عايزة اڤضحها يا عدي . حاضر! خليت واحده تروح تصورها في المستشفي عشان تفضحها في جروب الجامعه. مفيش حاجه طلبتيها مني مقولتش عليها حاضر . بس جه الوقت بقي الي اخد حق كل حاجه

عملتهالك يا ساندي . انا ليا حق فيكي. و جه الوقت عشان آخده 

توقفت السيارة أمام قصر الوزان و ترجلت منها جنة التي توجهت الي باب أمينة و قامت بفتحه و هي تناظرها بلطف يخفي بداخله الكثير من التعاطف علي تلك السيدة التي حتما لن تستطيع احتمال سماع ما حدث لذلك حاولت التعامل معها بحنان و تجاهلت ما حدث سابقا فقد كانت تعتبره جزء من

عقابها لما فعلته بنفسها 

هاتي ايدك يا حاجه أمينه

هكذا تحدثت جنة بلطف و هي تمد يدها الي أمينه التي كانت جميع تصرفات جنة تزيد من تأنيب ضميرها و قد ارتسم اعتذار صامت في عيناها فهمته جنة علي الفور فابتسمت بهدوء و بادلتها أمينة البسمة بآخري ممتنه و مدت يدها و استندت عليها حتي خرجت من باب السيارة 

و توجهت للداخل و أثناء مرور جنه بمروان الذي كان يقف واضعا يده بجيوب بنطاله و قد بدا علي وجهه الإمتعاض الذي تحول إلي حنق حين سمع جنة تقول 

مروان استناني هنا عشان عايزة اقولك علي حاجات تجبهالي من بره و انت جاي 

كانت تتحدث بوداعه و لطف جعلوا أمينه

تقول بلهفه 

وماله يا حبيبتي. هات لجنة كل الي هي عيزاه يا مروان . 

رفع إحدي حاجبيه حين رآي ابتسامه خبث تزين محياها و قال من بين أسنانه

وماله مانا العبد الصومالي بتاعكوا.

جنة ببراءة 

بتقول حاجه يا مروان.

مروان بتهكم

بقول عنيا . احنا عندنا كام جنة يعني دي هي واحدة بس و دا طبعا من حسن حظنا 

ابتسمت جنة و توجهت للداخل مع امينه بينما قام مروان بالإلتفات إلي ريتال و امساكها من مقدمه فستانها و هو يقول بحنق 

بت يا ريتال شايفه الشبر و نص الي اسمها جنة دي عايزك تطلعي عنيها النهاردة تكفري سيئاتها سامعه ولا لا 

ريتال پصدمة 

ايه يا عمو الكلام النوتي الي أنت بتقوله دا 

مروان بحنق

نوتي ايه الله يرحم ابوكي . بت انتي هرزعك بالقلم علي عينك . بقولك عايزك توريها النجوم في عز الضهر . استجدعي مرة واحدة مع عمك . 

زفرت ريتال بعدم تصديق وقالت ببراءة 

انت ليه شرير كده يا عمو مروان. دي جنة دي جميلة خالص و طيبه وكمان اتفقنا أنها هتحكيلي حواديت كل يوم بالليل .

مروان بإستنكار

يعني عشان كام حدوتة تبعيني و بالنسبة للشيكولاته الي بدفع فيها ډم قلبي دي و لا بتأثر فيكي خالص . ماشي يا ريتال خليكي فكراها.

ريتال بملل 

ايوا ما جدو الي بيديلك فلوسها أصلا وهو قالي كدا و بعدين مانتا بتاكل نصها و قرب يطلعلك كرش 

لم يتثني له الرد حين تفاجئ بضحكات جنة التي كانت علي مقربة منهم بعد أن أوصلت أمينه إلي غرفتها و توجهت للاسفل للحديث مع مروان و الاطمئنان علي حلا فسمعت جملة ريتال الأخيرة و اقتربت تناظره بنظرات شامته فڼصب عوده يناظرها بلامبالاه فقالت ساخرة 

بتحرج نفسك مع طفلة صغيرة ليه. عايزة افهم 

و تفهمي ليه خليكي في نفسك . واحد و بنت أخوه بتحشري نفسك ليه 

هكذا أجابها هازئا فقالت بتهكم

عشان ريتال صاحبتي و ادخل في كل حاجه تخصها صح يا ريتال. 

ريتال بلهفه 

صح يا جنة 

امتدت يد مروان تعبث بشعر ريتال و هو يقول بحنق

أصيله زي الي

خلفوكي يا ريتال. 

ثم وجه أنظاره إلي جنة و هو يقول بنفاذ صبر 

انجزي قولي عايزة ايه اجبهولك ماهو انا الشوفير بتاع جنابك .

جنة بتكبر 

انت تطول أصلا 

مروان بسخرية 

اطول ايه انتي اساسا مش باينه من الأرض! خلي حد غيرك يتكلم عن الطول يا شاطرة 

اغتاظت جنة من سخريته منها و قد عادت لها روحها القديمه في المزاح حين قالت بسخرية 

مش احسن ما ابقي طويله و بكرش ..

ضيق مروان ما بين عينيه و نظر إلي عيناها التي يرتسم بها التحدي فمن يراها يظن أنها طفله بعمر ريتال لم يمس قلبها ۏجع و لم يطال جسدها أذي فتابع شجارهم المزعوم قائلا 

اااااه تقريبا دا حقد عشان أنا body building و كدا . اممم فهمت. معلش يا جنة ماهو مش سهل عالإنسان يتولد اوزعه . انا عاذرك . 

جنة بحنق 

مش هرد عليك . عشان أنا اكبر من كدا . المهم