رواية سيد القمر الاسود بقلم زينب مصطفى

اموري الماديه...والغير ماديه ..
جزت عصمت على اسنانها وهي تقول بغيظ
وعمر عنده علم بالكلام ده انتي عارفه ان ده بيته وخلاص هيتجوز ويمكن الوضع ميكونش مناسب
ابتسمت جيلان وهي تقول بثقه
عمر بنفسه هو الي أصر على كده انتي عارفه مهما حصل احنا منقدرش نستغنى عن بعض ..اه ..سلام يا عصمت هانم عشان يدوبك ألحق 
اجهز نفسي..
اغلقت عصمت الهاتف بعد ان قالت بغيظ ..
سلام يا حبيبتي
مي پغضب
هي راجعه تعيش هنا ..هي نقصاها هي كمان
اشارت لها عصمت بالسكوت وهي تفكر بعمق ثم ابتسمت بانتصار
ترجع تنور القصر وكل طلباتها مجابه واكتر كمان

مي بفضول
تقصدي ايه يا ماما
عصمت بمكر
اقصد ان دي هي الي هتقدر تطرد الحيه الي اسمها حبيبه من القصر
مي بدهشه
واحنا هنستفيد ايه لو حبيبه اتطردت وجت جيلان واخدت مكانها
عصمت بارتياح
هنستفيد كتير بس استني وانتي هتشوفي بنفسك..يلا وريني الفساتين الي هنلبسها انا نفسي اتفتحت خلاص ..
ثم بدئت في قياس اكثر من فستان وهي تدندن بسعاده ..
في مساء يوم الزفاف..
وقفت حبيبه في غرفة عمر أمام المرآه تتأمل بحزن ثوب الزفاف الابيض الملكي رائع الجمال الذي ترتديه..ثوب خيط خصيصا لها على يد اكبر مصممين الازياء في العالم يزينه تاج من الماس الابيض يتلئلاء ببريق أخاذ فوق حجابها الانيق الذي زادها جمالا فوق جمالها
عدلت دولت هانم من وضع الطرحه الطويله والمصنوع من التل الحريري الرائع وجعلتها تنسدل جيدا خلف الفستان وهي تقول بسعاده
بسم الله ماشاء الله ..زي القمر ..ربنا يحميكي من عيون الناس يا بنتي
ابتسمت حبيبه وهي تقول بحزن ..
ربنا يخليكي يا دولت هانم دا من زوقك
ربتت جدة عمر على يدها بحنان
هتزعليني منك والا ايه مش اتفقنا تقوليلي ماما دولت والا انا كبرت على كلمة ماما
حبيبه بلهفه
انا مقصدش..انا بس ..
الجده مقاطعه بمرح
مفيش بس انا من النهارده ماما دولت
ولو سمعت منك كلمة هانم دي ..هزعل منك بجد
ثم ابتسمت بسعاده وهي تشير للباب
وأدي عريسنا جه هو كمان الظاهر مقدرش يصبر وجه يشوفك بفستان الفرح
وقف عمر على باب الغرفه يتأمل حبيبه التي شعرت بالتوتر يتملكها فرفعت عينيها برهبه بالمرٱه لتتلاقي بعيني عمر الذي عجز عن اخفاء نظرات العشق الذي تملكه وهو يتأملها بإعجاب صارخ..
إكتست وجنتي حبيبه بالخجل الشديد ووضعت يدها على قلبها الذي زادت دقاته بسرعه شديده تحاول تهدئته
حبيبه..
رفعت حبيبه عينيها اليه بتوتر وهي تستمع لدولت هانم تقول بسعاده للاشخاص المسئولين عن اعداد حبيبه للزفاف
يلا يا جماعه تعالوا معايا خلينا نسيب العريس والعروسه لوحدهم شويه
ثم ربتت على زراع عمر بسعاده وهي تغادر الغرفه
إقترب منها عمر الذي إرتدى قميص ابيض ناصع البياض و بدله تاكسيدو سوداء رائعة التصميم أظهرت جسده الرياضي الطويل بطريقه رائعه
تنحنح عمر خوفا من خروج مشاعره عن السيطره
مبروك يا عروسه بس مش شايفه ان اللون الابيض مش مناسب ليكي
لمعت عيون حبيبه بالدموع الا انها سيطرت عليها وهي تقول بتحدي
انا اكتر واحده تستاهل انها تلبس الابيض وانت عارف كده كويس ..
ابتسم عمر بلطف وانطفئ جزء كبير من العصبية التي كانت بداخله وقال بهدوء
عمر الحقيقه مابتوجع يا حبيبه 
المهم يبقى عندنا شجاعه اننا نقولها
بهت وجه حبيبه وتوترت وهي تقول بترقب
تقصد ايه...
ليقول بأمل
إسمعي يا حبيبه حكايتنا دي كلها على بعضها ملخبطه..وانا متأكد ان فيه حاجات انتي مخبياها عليا وهو ده الي عامل سوء التفاهم ومخليني مش قادر أثق فيكي
ثم يقول بعشق وتعب
انتي متعرفيش انا قد ايه عاوذ اثق فيكي واصدقك .. بس ڠصب عني ردود فعلي بتبقى صعبة وانا عقلي بيوديني لمليون احتمال كل احتمال منهم بيجنني..صارحيني يا حبيبه ومټخافيش ..مټخافيش ياحبيبتي
ثم ابعدها عنه قليلا وهو يقول بأمل
إيه رأيك نبتدي مع بعض من الاول.. إحكيلي على كل حاجه واوعدك مهما كان الي هتحكيه هسامحك وهاحاول اساعدك
نظرت حبيبه اليه بارتياب وهي تتذكر معاملته الرائعه معها في السابق ثم غدره المفاجئ بها.. عقلها يحذرها من الانجرار خلف قناع طيبته المفاجئه 
لا لن تصدق طيبته المفاجئه ولن تثق فيه مره اخرى مهما فعل معها فهي متأكده انه لو علم الحقيقه لن يرحمها فهي تخشاه وبشده ويكفيها ما فعله بها حتى الان
فابتعدت عنه وهي تشعر بشحوب وجهها و قالت بتوتر خائڤ
أنا معنديش حاجه أخبيها ومش عاوذه ابتدي معاك لا من الاول ولا من الاخر ووفر حبك لنفسك وكفايه تمثيل عليا انا مش غبيه علشان اقع في نفس الفخ مرتين وعلشان تبقى عارف انا كمان كنت بمثل عليك يعني لابحبك ولا طايقه اشوفك .. يعني مش انت بس الي بتعرف تمثل
ثم تابعت بيأس
انا كل الي انا عوذاه ورقه تثبت اني كنت متجوزاك وخلاص انا اخدت الورقه دي ووجودي في الفرح ده بس علشان جدتك الست الطيبه الي بعتبرها زي امي ..
ثم نظرت بعينيها الى الاسفل تداري عنه التماع عينيها بالدموع المحپوسه لتقول