وقفت ليه ياعم ابراهيم

في كيس قلبظ ولا اللي هتحسسيه إنه أسوء إنسان وتخليه يسمع أسوء الكلام هتستني منه يبوسك حبيبتي لازم نراعي إن اللي قدامنا عنده مشاعر زينا.
بس مش كلهم مشيوا عشان العصبية!
طب علشان إيه تاني
فيه اللي مشيت علشان سيبتها في مشكلة ليها بس ده مش قلة أصل مني ده لأن كنت زعلانة منها بس هي كانت مزعلاني ومټخانقين ف طبيعي مكنتش أسأل.
لما بنتعب أو نمر بمحڼة بنفكر في اللي بنحبهم أول حد معانا الزعل بيتركن على جانب وقت تعب أو كسرة حد فينا مينفعش نسيبهم يعانوا لوحدهم بعدين نرجع نسألهم إنتو ليه بعاد وزعلانين!
أكتر حاجة الشخص اللي قدامنا بيفتكرها للي قدامه التقدير هل الخناقة بتاعتك إنتي وصاحبتك كانت كبيرة للدرجادي هل غلطت فيكي وشتمتك وأهانتك هل خانتك
لا مش للدرجادي كان شد كلام.
شد كلام شد كلام يخليكي تسيبي أعز صحابك في محنتها من غير سؤال!
ومنتظرة منها تبوسك بعدها مثلا
بس فيه أسباب تانية لناس تانية!
مش محتاجة أعرف أسباب تانية أنا تقريبا فهمت المشكلة أحب أبشرك إنك لو فضلتي بنفس التفكير كل اللي هتعرفيهم برضه هيسيبوكي.
بصتلي بذهول من صراحتي وقبل ما تنطق بحرف كنت مكملة كلامي!
مشكلتك هي إنك مصرة تركزي على الناس اللي معاكي على أفعالهم بس على ردودهم على فعلك بتبصي للموضوع بناحيتك إنتي بس للأسف إنتي ممتازة في دور الضحېة جدا إنتي فعلا جميلة مكذبوش بس جميلة وقت الفرح بس جميلة وقت ما الدنيا حلوة بينكم بس مش جميلة وقت الخصام والحزن ودول أهم وقت علشان تقدري تعرفي العلاقة هتكمل ولالا!
دول الوقتين اللي بيبينوا معدن الشخص..
لسه قدامك فرصة تخرجي من دور الضحېة لسه قدامك فرصة تغيري من نفسك دور الضحېة هيتعبك إنتي كلهم هيعيشوا ويشوفوا حياتهم بس إنتي اللي هتفضلي قاعدة مع الذكريات مكتئبة وحزينة ولحظات فرحك في أى علاقة مستحيل تكمل!
العلاقات زى فصول السنة زى ما فيها الربيع فيها الخريف برضه بس الفرق إن الخريف في الفصول بيغربل الورق أما في العلاقات بيغربل الناس!
قدامك فرصة تقومي على رجلك من تاني قدامك فرصة تاخدي نصيب من إسمك تقدري تعملي حياة جديدة بس مش بنفس الشخصية!
أسفه لو كلامي ضايقك بس يمكن كل اللي مشيوا مكنش عندهم جرأة أو وعي يقولوه بس إتأكدي إنه كان لازم تسمعيه علشانك مش علشاني!
هزت راسها وقامت من جانبي فهمت إنها مش قادرة تتكلم وبصراحة عذراها.
أوقات الحقيقة بتاكل في قلوبنا بتوجعنا بس لازم نعرفها زى الدوا بالظبط مر بس مش هنكون كويسين من غيره والحقيقة كمان كده!
وسمعت الصوت اللي بقى الأقرب لقلبي النور الخامس رن يمكن أنا متفاجئة بجرأتي وقوتي في الرد بس المواقف بس اللي بتخلينا نعرف قدراتنا الحقيقية!
بصيت للقلم تاني تفتكر أنا جرحتها بالكلام بس كان لازم حد يعرفها الحقيقة أنا متأكدة لو هي تعبانة دلوقتي ف أكيد ده هينفعها لحياتها لو اللي فات ضاع ف هي تقدر تبدء من دلوقتي!
مشيت وأنا بسيب جزء من مشاعري مع كل شخص بقابله كل شخصية بتخليني أكتشف حاجة جديدة عن نفسي كل شخصية بسيب جزء من مشاعري وطاقتي معاها.
مشيت والمرة دي كانت غريبة!
كان فيه يافطة نازل منها عصاية متثبتة في الأرض مكتوب عليها المهمة الأخيرة معايا أنا...إمشي في وشك لحد البحيرة اللي في آخر الطريق بعدين إدخلي يمين هتلاقي مقعد وأنا قاعد عليه.
مشيت فعلا الطريق أكيد ده حد عارف إنه مجرد مهمة!
يا ترى مين ده اللي عنده الجرأة دي كلها إنه يعلن عن ده!
كان المكان هادي جدا كنت بتمنى لو أعيش في الهدوء ده بعيد عن دوشة العالم كله!
وصلت للطريق الموصوف وإتفاجأت بيه!
كان هو نفس الشخص اللي لابس قناع......!
ده إزاى
ماهو أنا مهمة..
مش فاهمة!
إقعدي هفهمك.
اديني قعدت إتفضل.
أنا إتحطيت آخر مهمة علشان مكنش ينفع أظهر قبل كده وعلى فكرة مش أنا اللي مخطط ولا حاجة هما اللي مخططين أنا برئ خالص.

رغم إن أشك بس ماشي خلينا نخلص من عالم سمسم ده مشكلتك إيه
مشكلتي هي إن مش عارف أحب نفسي..
فيه سبب أكيد ورا ده!
السبب بنت حبيتها من وهي صغيرة واضطريت أسافر لمدة ١٢سنة لما رجعت وطلبت إيدها رفضت كانت نسياني أصلا حكمت عليا من